如果你係老闆....

發表人 **v234567** 發表於 2012-09-03, 03:33

你會請個英文攞A定國民教育攞A嘅人? (當然假設其他條件都一樣), 你自己答自己得LA.

可能你地當中不一定有孩子讀緊中小學, 話個現實比你地聽: 而家一間小學只有一名外藉老師(budget), 不管有幾多班; 好多學校頂多每星期得一堂 native teacher, 要多D唔該D家長自己科水

把香港建成一個國際化大都會這大目標我想在香港無咩人會反對, 先唔討論國民教育科洗唔洗腦, 但沒有加強英/外培訓語資源嘅同時, 反而把錢/時間撥到開辦國民教育科, 到底係同成為國際化大都會這目標遠咗定近咗?

要反對國民教育, 大義凜然D, 就係懷疑呢科嘅目標; 再退一步, 從實際角度, 咁嘅資源分配係加強咗定削弱咗香港長遠嘅競爭力? 公司來香港請人看邊樣比較重?

"國教"是洗腦, 中聯辦有講過, 男男都係咁講, 呢樣野係唔洗拗

D唔反對/讚成嘅人成日話 : 點會咁易洗腦呀... ; 但又就講咗好多"功能"出來, 矛盾就在此.

唔想成日有人搬D什麼觀點與角度不同, 唔尊重人不同意見, 唔夠包容, 站在道德高地來看問題呢D似是而非嘅理由 (記住, 我唔係針對人, 而係佢地提出嘅"理由")

我尋日見到: 連dreambear都走出來抽水果D話佢地愛國, 呢幾日上晒報嘅保釣勇士, 一樣到場反"國教"

要我們愛國, 請國家做好D; 老實, 我真係唔知可以為國家貢獻D乜 (最多我做好我自己一家和投票), 但唔好攞我地D細路來做獻禮, 好唔好 ?