小弟做過區議會,立法會的選舉工程。
好老實講,真係靠種票,頂多只種到區議會。一個立法會選區坐底 50 萬人口,加上一定有同路人角遂,種得幾多?
好多人話教會幫佢唔少。所知唔係。選立法會,地區樁腳幫手拉票和配票的重要性高於一切,尤其是新移民和少數族裔較集中的選區。
大家不停咀咒鼠王,有無想過佢做過幾多工夫拜候各個地區樁腳?
西九可能動員的少數族裔票源,自己四年前的保守估計最少一萬五千張,絕大部分由各區的少數族裔街坊保長操控,忠誠度比新移民票更高。
飯民唔係唔知少數族裔票源的重要性,但佢地一來相關滲透工作起步遲,二來經費和人手局限,從開步已唔夠建制陣營搶。
當今屆西九少數族裔票都係得一萬五千張,蔣大小姐個邊有新移民團體基本盤,工聯會無人分攤票源,唔使多,配一萬張比鼠王佢已經穩勝。