http://m.hkgolden.com/view.aspx?message ... _id=248348
社記實則上根本冇任何基層基礎。唔係話佢地冇公屋區區議員咁簡單,而係佢地主動的左翼激進思想實際上並不得基層歡心,反而可以討好一班有向 上能力但受社會結構同制度層層壓制的小資產階級,即係所謂的夾心階層,呢類人在新東最多,所以長毛可以在新東穩佔一席,但一去到其他區就肯定會仆街。而 且,呢類人其實冇乜忠實度,當佢地發覺自身利益受威脅時就會跳船,改投民粹陣營,如人民力量又或者大力反雙非的新民主同盟。所以吸納社記根本無助於工黨或 街工擴大支持度。
最後,社記班人根本大部份都係一堆各大黨都避之則吉的負資產,例如佢地本身都收納不少公民黨棄卒,試問街工同工黨又豈會容許呢堆老鼠屎,搞砸佢地一鍋好湯?
> 佢哋嘅主張根本就係接近北歐嗰隻 (無咗啲激進嘅話).....
你呢句野真係會令到曾經在挪威住過成年又研究過北歐政治的小弟,笑到氣絕身亡的
北歐的社民主義政黨從來都以爭取打入建制為目的,而且眼光絕不會局限在基層, 而係遍及整個受薪階層,包括中產,小資產階級同藍領, 同埋社民主義政黨係絕不會成日提意識形態,更不會以街頭抗爭為綱領, 所以社民連實際上在北歐政治光譜中,應被列入更加走左翼偏鋒的Socialist Leftists, 反而街工同民協先真正接近北歐的社民主義政黨