小弟今日做死士,第一時間購入行貨一個。
外型,好正!好靚仔!手感好!機背完全係依照人體工程學設計,弧位好好!握晌手上唔易跌。
要裝完隻碟晌電腦慢慢set,不過唔難。
最特別係一個叫Activities的function,set好後,一按Watch a DVD "呢個名都可以任你改)呢個掣,av amp, int amp, dvd 機,投影機同燈(有遙控開關或dimmer的話),同一時間同你開哂。av amp直跳去DVD果個input到,int amp又係直跳去av amp pre-out 入果個input到,投影機又可以直跳去HDMI(我用HDMI,所以set HDMI,當然又可以set到直跳去色差個input度都得!),總之一連串動作一次過攪掂!超爽!
個遙控上面有個細細地單色LCD顯示,係比一D佢本身個遙控冇0既掣,但係另外器材有o既掣用。一般來講,祇要之前輸入器材型號佢有的話,D垃垃雜雜function就會放哂晌度,當然,所有遙控器上面0既掣可以任set。
好正!雖然成千銀,但係真係好正!甚至冷氣機都可以set埋!
以後一個遙控攪掂!要比分,9/10,扣一分係因為一定要晌電腦改設定。
仲有個係有彩色LCD display,不過太貴,都係呢個抵玩D!
旺角腦場成場祇得一間有一隻,行貨,我買0左!