部機夠哂大部,實物比相靚好多,尤其係放0左入個TAOC架,好有氣勢,正!
部機設定簡單易用,set一陣就可以用mic做cal。
cal時間比起Yamaha 2600要耐好多,除0左subwoofer測錯距離外,其他都好準確。不過就冇Yamaha個cal咁,可以測埋喇叭相位。
Power總掣就收埋晌機面活門入面,起初我仲以為部機要長期standby添!
操作反應好快,我PS3同Marantz 9500都係用HDMI入Onkyo,再由佢HDMI出投影機,機轉機、停機畫面回播放畫面都速度反應都係快。
剛剛尋日駁完機,試了看了一會Ghost Rider Blue Ray用PCM 5.1由PS3去Onkyo,再用Neo 6+THX聽,聲音好自然,唔會一味誇大某一段頻段。不過可能部機新開箱,表現未夠放,同埋又未經仔細調校,電影感應該可以會再有進步。
又試了一陣功夫DVD,用Direct (DTS), DTS + THX,感覺此起以前用Yamaha 2600,就係開得大聲時聲音都一樣咁自然,微細聲音處理得更好。環繞聲連接高非常高。
不過我淨係用部機Pre-out,所以對佢power amp個部份就測試唔到。
但以佢聲底來講,拎來聽歌仔都應該有不俗表現。
我都係放晌200mm高果一格內,部機差唔多到頂,不過開了兩個鐘左右,機身都係微熱,唔係辣手果隻。
總括:幾千蚊又HDMI 1.3又日本做又THX Ultra 2又大部又對應Dobly True HD又DTS HD 又DTS Master Audio又乜又物,最緊要聲音表現有極大進步(相比起我以前用部989 version 2來講),仲想點先?
Sony,Denon,Pioneer,Yamaha要咁樣spec,起碼過萬,仲分分鐘馬拉做,以價論貨,Onkyo叫抵玩,當然同級內,如加入個人因素就唔會個個俾個第一佢。
我自己講真就收貨,因為買了Onkyo,今年至到我退休都唔會再有錢買機,買碟都係應該冇錢,唯有開始物識D有錢朋友,搏佢地睇完睇厭肯借來睇算喇!
包膠玩必!
講得唔好又或得罪人就請見諒!