套戲評分 - 07/10
成套戲頭一個鐘基本上都係文戲為主 , 都係講班複製人係工廠大廈生活原因 , 及交代點解男女主角會玩叛變 , 整體算OK無咩悶場 . 之後60幾分鐘就係開始一場場追逐戰直到130分鐘完場為止 , 整體拍出黎視覺效果真係唔錯 , 由其是公路追逐戰一幕拍得幾有水準 , 唯一可惜係尾段玩到有點拖泥帶水 , 男女主角無厘頭咁輕易又返到去工廠大廈搞搞陣 , 而且尾段搞搞陣場面算係全片拍得最差一段 ... 感覺上此片算係好睇過 "強戰世界" , 可惜一樣又係衰結尾 .
畫質評分 - 9.5/10
隻DVD畫質可以話非常好 , 無論銳利度及層次感非常勁 , 畫面質感甚至比起之前買個隻 "親切的金子" 港版DVD仲要強 , 戲中人物皮膚質感甚至遠景都一一好清晰SHOW出黎 , 真係好難得 ... 唯一可惜係有好少量遠景有輕微NOISE出現 .
音效評分 - 08/10
同過去 "華納" 推出DVD一樣 , 只係支援DD5.1 , 感覺上成套戲呢BASS好似比較弱 , 由其是播出背景音樂時 , FEEL到好似唔係好夠力 , 至於鎗聲及撞車聲音效力度算係中規中矩唔算突出 ... 整體上我覺得隻DVD音效好明顯唔及同樣只支援DD5.1 "蜘蛛俠 2" 咁勁囉 .
隻DVD中文MENU係台式
背景係十多年後洛杉磯
全片其中一幕最緊湊 ... 男女主角控制飛行器逃亡一段
女主角係套戲基本上無咩作用 ... 一味等男主角救 ... 一係挑逗男主角