今晚襯有空檔睇左呢套戲,印像中日本漫畫改篇既電影一般影評都麻麻,唔係話唔跟原著就話好多細節無晒,好抱歉~~呢套既原著我無睇過,所以有無改有無盛我真係唔知,我而家純以一個未接觸過呢本漫畫既觀眾黎評,等你地知道我以乜野標準黎睇呢套戲。(車~~廢話呀!)
好~~言歸正傳講翻齣戲,故事內容講乜你地睇故事大綱約略都知勒,我唔多講。我之前對中島美嘉無乜好感,覺得又唔靚個樣又唔知點咁樣,但睇完套戲之後竟然有d like佢,佢個角色實在非常之討好,演譯得亦都好正 (梗正啦!做翻自己炸嘛~~ )。而另外個主角奈奈,樣字唔係太標清,但笑容搭夠,i like it~ (你有邊條女唔like架~~ ) 。套戲有感動位,小小笑位,再加上有友情線,叉唔多成兩粒鐘都好充實,我個人就覺得無悶場勒!
提一提裡面除左首NANA主題曲幾好聽外,另外有條女唱果首慢歌都好好feel架!值得留意
總結,未睇既快睇,睇左既都不妨買隻黎儲,套戲比我預期中好睇,其待港版快d出買翻隻黎儲先 (如果出得好既話啦當然~~ )
報告完畢