記得讀書果陣，睇"Saturday Night Fever"同埋"Grease"，唔係咁中意John Travolta，覺得佢乸乸地，又唔係幾識做戲，後來佢都沉左好耐，之後憑"危險人物"咸魚翻生，佢响呢套戲係做一個消防隊目，不過只係一個大配腳，主腳係Joaquin Phoenix，即係响Gladiator果個殺老豆做皇帝嘅奸仔，佢今次係做一個見義勇為嘅消防員，但唔知典解，總覺得佢似奸人多過似好人，有D怪怪地。套戲係用倒敍形式，一開場講主腳係火場為左救人，而身陷險境，又身受重傷，在孤立無援、等待其他消防員泥救嘅時候，腦海中浮現一幕幕以前景象：初初加入做消防員、與其他兄弟建立深厚友誼、識女仔、結婚、生仔...........最後，都係唔講啦，自己買或租隻泥睇啦。
小弟評分(以10分為滿分計):
音汁：8.5分。雖然冇DTS，只有DD5.1，但有THX certified，低音強勁，十烏化好唔得閒。
畫汁:7.5分。以一區泥講，算係中上，有幾場救火戲可試暗位，而且隻碟係1.85:1 formated for 16:9，即係話假如閣下係用16:9 projector，可用盡畫面，上下冇黑邊。
制作：8分。嚴格泥講，呢套戲唔算係荷里活A級大制作，冇乜令人驚喜大場面，但節奏尚算明快，冇乜悶場。
隻碟係小弟琴晚响德發買，180個大洋，响元宵佳節晚同老細煲完碟，跟住自己睇波，可惜MU輸左，唔係就perfect啦
