套戲評分 - 7.5/10
我相信未玩過 "太空戰士7" , 對呢套戲故事背景頂多清楚六七成 , 我就係其中一個 , 大量名詞係戲中湧現 , 真係睇到有DD混亂 , 基本上要去到套戲後段先略為理解個故事發生咩事 . 至於CG畫面相當出色 , 係覺得間中CG人物動作唔夠自然 , 另外打鬥場面係戲中非常多 , 算係幾精彩 , 唯一批評係打鬥場面鏡頭轉換速度有點快 , 有時對眼都跟唔上 ... 整體黎講呢套CG電影都值得一睇 , 由其是隻GAME FANS .
畫質評分 - 8.5/10
畫面格式支援 WIDESCREEN 1.85:1 , 整體畫質表現相當唔錯 , 基本上留意唔到有任何NOISE出現 , 畫面都相當有質感 , 始終SONY推出有一定保證 , 相信港版(年代發行)同其他三區畫質係一樣 .
音質評分 - 8.5/10
音質只係支援DD5.1 , 唔支援DTS , 整體音質表現相當唔錯 , 由其是有唔少打鬥場面音效方向感做得幾好 , 如果你滿意同樣係SONY推出 "蜘蛛俠2" 港版DVD音質表現 , 相信都會滿意呢隻碟音質 .
MENU選單係靜態畫面
成套戲都係圍繞呢兩位男主角一場爭奪戰
套戲中段出現超級怪獸
尾段男主角大戰大佬一幕