占爺d新戲基本上套套都有睇開，呢套都唔例外，見到3區一出即入無野講~~~~~去片！
套野收錄有演員訪問、刪剪片段、ng片段、預告片同講評 (除講評外全有中文字幕)！
畫質方面乾乾淨淨無問題，音效因片種關係無得發揮啦
內容我舊版未睇過所以無得比較，我只能當佢新片咁評！
都係講大財團老細呃錢，令好多伙記失業，最後主角頂唔順就學做賊，當然最後梗係...........呢套係喜劇黎既，你地話有無事勒！
齣戲情節就係誇張形喜劇，占爺既面部扭曲既演譯都唔算有得發揮，情節亦都係順住去無乜驚喜，當中有小小覺得有d低b添。一套娛樂片黎睇都ok既，中規中矩咁啦！女主角就係曾經做過豬儸記3呃阿主角救佢個仔做老婆果個呢！
總結：占爺fans可能覺ok，唔係老占fans既都可以一睇，睇過舊版既人麻煩單聲邊套好睇~~
題外話：雖然明知佢係誇張喜劇
但我都忍唔住自言自語幾句~~~有無咁忍慘呀！使唔使折墮到要賣電視呀~~~~~~~咁呀！
多謝收看
