http://www.post76.com/modules/newbb/vie ... mpost33767
今晚諗住電視無乜野睇試試呢套d畫質,點知唔睇尤自可,一睇就停唔到,最後都係成套睇晒。9點半開場睇到成11點幾,天呀~~~聽日點返工呀
好啦!講完笑講返出戲,套戲係講阿千代(藝名叫小白合)被賣落社做雞~~sorry!做藝伎至岩 (唔同架,藝伎賣藝不賣身架,不過最小都要賣一次比果個唔知恩乜鬼既人,即係乜?咪即係賣處囉 )成長當中結識到個會長 (頂~~分明係金魚佬啦,細細個就已經喉住人~~ ),咁阿千代就好順理成章被呢個會長吸引住,之後亦都成為阿千代子決心成為藝伎既目標勒!最後至知,原來所有野都係阿會長搞出黎的
之前巴斯個report講過,阿千代 (藝名叫小白合)細個果時個細路女好吸引,無錯,真係very吸引,好好戲兼好靚女 (雖然係好細個,但真係有種吸引力的,睇返d制作特輯,佢應該唔識英文的)。鞏俐同楊紫瓊做得好稱職,章子怡都做到果種味道出黎,當然最搶戲都係個靚妹啦!
畫質好多暗黑位我crt電視睇都清清楚楚收貨有餘,而音效個後置o係打仗果幕時d飛機都發揮佢應有既功效,o係唔同既位置出黎,其他d音樂聲都感覺不錯。
碟一收錄只有預告片,但佢最大既賣點唔係呢度,而係d講評全部有中文字幕 (雖然係台式,但總好過無),而碟二有介紹藝伎既歷史,制作特輯..等等 (都係附上中文字幕)
總結:唔喜好自傳片既應該未必like睇,鐘意睇都要接受到鬼佬拍日本藝伎既戲,仲要頂得順穩d中國人黎做既,當然我就全部接受啦,中段至尾有dd悶場,如我比分數我會比7.5分 (10分滿分),有1.5分係加比個小童星同由章子怡做既
報告完畢