至於成龍，小弟一直都當他是一位動作敏捷的北派雜耍，加上灰諧的表達方式，故此不能算是真正嘅武打明星。成龍嘅電影，由最初嘅A計劃、警察故事糸列，到我是誰，以及近期嘅荷李活電影，都著重其賣弄"揾命搏"嘅精神，但小弟其實好懷疑，係咪真係有好多人中意睇到以生命危險，真人上陣，攪到演員七勞八傷嘅情節，起碼小弟就唔係咁喜歡。不過，如果各位巴打啱睇，咁呢套電影都應該可以滿足到你嘅，因為戲入面有好多呢類塲面，尤其後尾會展個段，睇落真係好牙煙，成龍都算交足貨啦。
至於楊釆妮，同其他成龍電影女主角一樣，可以發揮嘅機會好有限，而且真係崴月催人，真係老左咯。謝霆峯呢，小弟不嬲對佢冇乜好感，今次亦不例外，唔識做戲不突止，連對白都講得唔清唔楚，其實佢呢個角色寫得唔錯，俾佢做有D嘥左。成套戲做得最好係吳彥祖，將一個"食飽飯冇屎柯"嘅二世祖演活了！
隻DVD嘅畫汁，以港產片嘅水準算係做得好好，好清，冇乜noise，顏色又靚，但小弟覺得未係最好，比歴咕歴咕，同埋近期嘅千機變II差少少；音效話就話有DTS，不過不失啦。
小弟係琴晚响旺角以15蚊租泥睇，覺得好抵，但若叫小弟用80蚊去買泥珍藏，我就唔會啦。
今次係小弟胆粗粗第一次寫碟評，寫得唔好各位大佬多多包含
:023:
