講番個故事,係真人真事改篇.故事主人翁'龍唐',同一般泰國窮鄉僻壤o既o靚仔一樣,都希望靠打拳改善生活,但係佢打拳仲有另外一個目的,就係希望累積拳賽獎金,而進行變性手術.最後佢唔單止在擂台上名利雙收,
仲終於得嘗所願,變性成為女人. :023:
(題外話:龍唐o係十月o黎過香港比賽,由於除o左佢之外,其他拳手戲碼唔掂,但係d飛又勁貴,所以小弟冇緣得見佢真人o既功夫.但聽有去睇o既師兄弟講番,o個場明顯係假拳,純粹綽頭.
其實咁又難怪,佢而家已經係'女人',o係不斷打荷爾蒙影響之下,體能已經不可以與當日之男兒身相提並論,唔通叫佢個對手(男拳手)出場o係過千人面前打女人o羊?
況且龍唐到今日仲打表演賽,都係為兩餐o者! :019:)
講番套戲,一開始由龍唐細蚊仔時講起,因為一次'蟹后',令佢深深被女性o既'毛眉'吸引.但係佢唔同一般男仔,見到靚女就想o答,而係漸漸想變成女人. :023:
戲入面用o左唔少篇幅去交代佢o既心路歷程,令觀眾可以慢慢地感受到佢o既心理變化,駛人覺得龍唐o既性係順理成章.及後龍唐因為誤打誤撞,就參與o左泰拳o既訓練,o係'儲錢變性'o既強大原動力推動之下,加上佢本身o既潛質,佢好快就o係泰拳界打出名堂.
但係人怕出名豬怕肥,佢成名之後亦都唔係一帆風順,泰拳界內有愛戴佢亦都排斥佢o既人,最後佢選擇急流勇退,變成真女人. :023: