Mr.Sun：簡約AV歸零實驗

[Mr.Sun]

[color=red][size=18]也來湊熱鬧，與版友分享我的零雞蛋AV歸零實驗。為爭取合理生活空間，家居影音設施要簡約執行，見笑了。[/size]
[/color]

********************************

1.) 客廳一隅，地方得豆腐潤咁大，又要學人玩AV，這個世代，軟件都開始7.X聲道了，哪7隻喇叭一定走唔甩*(真係冇咁大個頭又要戴大帽)。左端右度之後，由於冇地方，唯有將全部喇叭作入牆處理，超低音則要隱藏。投影機係最頭痛的一寰，因家人講明要不礙整體氣氛，吊投影機，又怕危險同埋壓迫感... 唔準我將投投放晌梳化頭頂正上方位置。最後終於諗到橋 - 在梳化後牆開窿，特別設計了小機關造收納.....

諸多限制，真係玩得辛苦。

[Mr.Sun]

2.) 梳化頂端，勉強收納四隻喇叭，前牆左中右則以抑角擺設，前牆三只喇叭的投射角度向正三人梳化。喇叭在崁入牆身之前，托木工師傅製作重料全封閉音箱，希望可減低互擾。目前聲效叫做合理，與「理想」及「高階」當然仍有一大段距離喇。

[Mr.Sun]

3.) 投影「梗幕」係ChromaVue，對角只得80吋，SONY出品。平時隻幕「黑盟蚊」，真正「黑幕」一隻。皆因此幕販賣特別吸光塗層，個廳燈光火猛仍可以投影方式播放合理畫面。

一般情況下，著住燈，降低窗簾，仍可觀看電影，比市面許多所謂灰幕更貼近生活。

[Mr.Sun]

4.) 日頭，閂窗簾，個廳開住晒燈槽，幕頂仲有downlight射燈*(當然非常多散光)，仍叫做睇到。

[Mr.Sun]

5.) 畫質係咪好差呢？？

[Mr.Sun]

6.) 推埋d部相機，等CCD避開d散光，再望真d，又唔係咁衰咋喎~~~

[Mr.Sun]

7.) 同樣情景(今日日頭)，關掉天花燈燈槽，幕頂四頭射燈dim三分一(下同)，幅牆仲係白雪雪，但隻幕就開始見功架。

[Mr.Sun]

8.) 再看另一幀畫面。留意窗外 - 投影幕前仍有許多來自窗簾邊的太陽散光，不過，對畫面影響不算嚴重。

[Mr.Sun]

9.) 朋友們都會關心的問題 - 「Mr.Sun，你隻幕播暗dd既畫面得唔得架？」

答案我唔識講，大家睇畫面參詳喇，我會「自私地說」 --- 勉強過到骨，不過肯定唔係終極級。


[color=red]結論：寒舍個客廳，由三座梳化位置到幕屏的視距足足係14呎半。要滿足這個視角及距離，若買呎吋合度的大型LCD或Plasma都係好肉赤既事。依家，利用隻80吋ChromaVue黑幕，俾屋企人可以用平價的AE2000投投來睇電視節目，佢地晌唔駛熄晒燈既情況下，都可以睇到呎吋較合理的畫面。

晚頭黑，自己返到屋企，落住窗簾、dim暗些少燈光，就可以好舒服咁煲一兩齣戲，雖然這不是「終極級數」的觀影享受，但對在下而言，這無疑是一家平宜兩家著的消費決定。[/color]

[Mr.Sun]

10.) 個系統話明要俾屋企人用，設定一定要有咁簡約得咁簡約。為左唔駛佢地拎住幾廿個遙控左舞右舞*(同唔駛成日打電話黎問我點樣開機)，於是乎在下決定使用Logitech最新推出的ONE Harmony (touch screen式)綜合遙控，用電腦編輯好指令之後，家人只要輕按遙控器，marco指令就會自動按程序開機，遙控亦會自動揀選能配合該項指令的機材及輸出。襟一個掣就搞掂，連媽子都讚方便。

[Mr.Sun]

11.) 遙控器可獨立對應不同機材，菜單自行編輯，雖然編輯時會煩少少，但電腦白痴如我者，花d時間就可拿捏得到。

[Mr.Sun]

12.) 連藍光碟機的各式功能按鍵掣，亦可自行編輯至touch screen上，其邏輯思維，較我所用過的其它品牌出品更形清晰。私下認為，這遙控的製作、握持感及按掣的觸感等各方面，亦絕對較我之前所用過的Logitech 880優勝。至於一只學習式遙控器，究竟值不值這價錢(兩舊幾美金)，就絕對見仁見智。在下晌美國買返黎，香港有得賣未？在下好耐冇行街街，真係唔知道。

講完，阻大家好耐，唔好意思！

[MartinTong]

我都想要間寒舍

[szekt]

[Kenji1107]