買左個iGoGoTV返去用過之後,個iGoGoTV就將我個48”LCD大電視變左個大型多媒體電腦,比我感受到一種強大的震撼,點解?個iGoGoTV其實係一個行Android OS既Android TV Box,唔單止簡單易用,操作方便,影音表現同Apple電腦有得輝,部機更支援有線和WiFi上網,個畫面重支援HDMI/1080P高清視頻,上網任睇高清電影真係超正,坊間重有好多免費Market可以下載Apps,不過對新手黎講,有時D Apps太多,反而讓人難以選擇,可能要下載多幾個同類Apps試下先知邊隻適合自己用。另外,佢有內置鏡頭和收音,咁可以上skype做視頻對話,感覺好似大陸成日講既三網合一咁多功能,重有佢個keyboard仔好似wii個手制咁,係用身體移動黎控制鼠標移動方向,咁又可以當埋遊戲機玩,一機多用慳錢慳地方,所以我個大電視依家變得功能無限,好好玩,同大家分享一下。
睇Demo果時見佢功能又多又靚,最初以為呢個係Smart TV既電視盒,後來聽個sale講先知個iGoGoTV MP188係Magic-Pro出即Android TV Box。個盒正面都設計得幾和諧。
個盒背面就寫上iGoGoTV 簡單介紹,我買佢果時都係被佢吸引到。
打開iGoGoTV個盒,所有D原裝配件好整齊咁放係個盒到, 咁當然,呢張相係我用完個iGoGoTV之後,張D配件重新放翻入去先至影架,所以肯定無出廠時放得咁好,不過都過得去啦!
iGoGoTV所有原裝配件包括:iGoGoTV主機盒,手制及keyboard仔,HDMI線,AV線,火牛,腳架,說話書及AAA電池。
主機設計比較有流線形的感覺,我都好鐘意佢個design,唔會四四方方咁悶。
主機背後插上HDMI線及火牛馬上就可以用,好方便。
個主機體積都比較細,闊度比一張100蚊紙重要小D,長度比張100蚊紙長小小咁啦。
個手制設計得好靚,係體感操作,手制內置有Air Mouse + keyboard 2合 1,除左可以做手制,佢重係個滑鼠、keyboard及搖控器,可以話係多功能合一的設計。
個主機加上個腳架,就可以好輕易咁固定好個主機係個電視上方,好處係乜?咁就方便你對好個鏡頭同個Mic,做視像通訊囉。
加上依條HDMI線,個iGoGoTV就可以用1080P高清輸出啦,加上坊間又有好多免費Apps download,D applications 同movies真係任你用,哈哈,真係好正下。