看頭5分鐘已經忘記甩咀缺點，唯有當自己睇緊明珠台配音劇集啦！
劇情: 文戲9.5/10；打戲6/10(非因不可觀，只因打得太長)
畫面: 7.5/10(有時暗位好灰，都幾礙眼)
音質: 9/10(唔係因為咩子彈橫飛、低音打心口，係因為近年少見，
音效控制得啱啱好，唔洗成日一到文戲就較大聲，一到追車槍戰打架
就較細聲，舉例: 人聲真係清清楚楚，唔會俾背景音樂遮哂，
低音唔會誇張，係又嘭唔係又嘭，劇情有需要先有，十分自然)
見到最後字幕有部份人名冇出過場，應該剪左，
另外附錄見到好多好多鏡頭CUT哂，好可惜，希望日後
會出Director cut。
此戲最好睇係文戲、感情戲，打都好，但真係太長......
訪問片段唔見董煒，傳聞陳可辛不喜歡甄子丹的一場打戲，
要甄子丹自度動作重拍，可能係真喎
花絮見到子丹有一場係指導緊動作，陳可辛又成日強調最尾十日先拍呢場，片尾更加見到特別明謝子丹，古古怪怪。
個個都好好戲，唯一敗筆係Leox.............
