- c.jpg (49.43 KiB) 被瀏覽 5054 次
為左迎接去睇新果齣007，所以襯尋晚有d空檔時間即刻翻睇翻上集先，因為呢兩集係有關連，亦都係有史以來第一套邦片係連住落，所以唔溫下書點掂呢，點知越睇發覺越唔對路，散場果時差唔多成點半鐘...........而家好眼訓呀！
言歸正傳講翻套戲，其實初出dvd果時已經睇過一次，但果次可能無乜心機睇，所以印象真係唔多深刻，今次翻睇唔知點解覺得正左好多，由一個自以為是、自大、好勝心強既新丁007，到最後死左個至愛變成一個唔係咁易信人兼帶點憂鬱既007 (係爭咁d稀虛鬚根姐)，呢個轉變令到我對期待下果集既007會發展成點又大左d。
講講呢隻BD既畫質，唔知係咪心理作用，硬係覺得用sony機黎睇sony出既片係特別靚d，呢次呢隻BD既畫質睇得我好舒服，唔會有橙眼過份sharp既感覺，而夜晚d黑位都控制得唔錯，因為屋企既設備未有HD音效，加上夜闌人靜既關係我得比較細聲，所以音效都係留翻第二d朋友比評語勒，收錄方面全有中文字幕，而且大部份都係高清片段，有時間又鐘意套戲記住要連汁都撈埋唔好o徒呀！
總結：第一次睇可能覺得套戲幾長，加上中段講賭既時候亦稍嫌有d悶，但留心d睇就發覺呢次新版既007真係一個有血有肉既特務黎架，同以前果d好唔同，不過可能會有朋友問點解好似無晒d新式武器既？哈哈~~~果時007係新丁一名，加上又未有Q發明新武器比佢，係要靠d勞力打o下壞人架啦........一笑！
鐘意呢套戲既朋友，呢隻孖碟版BD係你既必然選擇，有賣貴無買錯！
... 
