- mamma mia.jpg (110.77 KiB) 被瀏覽 7326 次
睇完一套令你好開心既戲，鐘意睇歌舞片既朋友一定會鐘意呢套電影，D歌真係無得彈，好多首我都好鐘意，例如Honey, Honey、Mamma Mia、Dancing Queen (果d集體舞真係令你有衝動起身一齊跳)、Slipping Through my Fingers (呢幕好感動，睇到有d眼濕濕，梅姐做得好好)、Lay All Your Love on Me....等等不能盡錄！睇完套戲你會好想即係穩翻隻sound track黎聽。故事略嫌簡單，雖然結尾始終無交代邊個係生父，不過一切都唔重要，最緊要係幫到媽咪穩到真愛，主角配角演出皆出色 (估唔到個個都唱得跳得~~勁！) ，我老細同個囡都睇得好開心，出完字幕比多首歌仔你嘆o下 (仲要係齊齊懷舊look果隻)，更加估唔到係仲要玩Encore添，問你死未！鐘意ABBA舊歌既Fans自動波唔使介紹你都會即買黎睇，唔認識佢地既朋友可能會因為呢套戲而鐘意左ABBA d歌都唔出奇！
唯一敗筆就係布士南d歌藝真係..............好彩佢solo既部份唔多姐~~XDDDDD！梅姐成套戲又跳又唱做戲又得，你話誰人代替佢地位丫！套戲長多小小可能會更加好。穩日開黎睇多次至得！
英版blu-ray正戲有台式中文字幕，特別收錄就除左中字外，其餘你up得出既字幕都有，真係吹賬，好彩有英文姐，如果唔係仲嘔血，不過黎緊下個禮拜出既港版都係咁，所以就算買左呢隻英版都無損失。
報告完畢！
睇d extra, 外景先至希臘拍, 但大部份酒店戲都係廠景.... 
