呢隻碟並無港/台版, 故並無正式中文名, 若照字面翻譯應叫做《波兒就是這樣誕生的~宮崎駿的思考過程~》。
聽碟名大家都應該估到係製作特輯, 若果你本身習慣買碟翻嚟淨係睇正片而唔睇bonus/special feature嘅話, 咁你可以唔駛睇落去......(因為呢隻製作特輯並唔係免費bundle喺正片, 要另外比錢買嘅)
其實呢隻碟係2009年12月一出已經買落, 但直到今日我先睇晒, 原因只有一個: 片長12.5小時! 仲長過魔戒三部曲加長版嘅總和! 要用兩隻BD50先載得晒。 (DVD版用咗5隻D9)
究竟有乜內容可以質爆兩隻BD50呢? 簡單D講就係為期兩年半嘅真人騷, 當然主角係宮崎伯伯啦。用一台video cam跟出跟入隨身拍攝呢位名就人人都識, 但樣就好平凡嘅伯伯, 點樣由零開始創作波兒呢個角色。
好老實, 若果你唔係吉卜力工作室/宮崎伯伯嘅die hard fans, 我相信你係唔會買呢隻碟, 因為本碟只提供日文字幕加上絕不便宜的價錢 , 絕對係趕客。 但若果對有志/興趣於傳統動畫制作嘅人,我覺得多多少少會偷到師......
畫質: 手提機拍攝已算交足貨, bit rate長期維持15Mb樓上 (MPEG4 AVC)
音質: 有少部份對話收錄音量偏低, 又唔係正片有無surround無關係啦 (DD 2.0)
報告鉛筆!