alung1051 寫: 有日出街食飯, 行過尖東某酒舖, 見到有支老酒...嘩...仲老過我.
雖然對意大利酒冇咩研究, 不過聽聞 Barolo 酒可存期甚久, 見酒價不算太貴, 便膽粗粗買了一支回家試試. 酒舖老闆 comment 話似紹興酒....醉雞? 我ok喎.
今晚一開, 咦?真喺幾香紹興酒味喎, 飲落去會唔會成支紹興酒咁呢?(喺就老襯喇, 不如入廚房直接攞支黎飲) . 嘩! 好酸! 成支酸梅汁嘅? 又冇咩味道(連酒精味都冇, 奇怪 ), 一啲同佢嘅紹興酒香氣格格不入. 不過口感好滑, 啲單寧已經完全柔和晒喇. 15分鐘之後開始有甜味出, 不過感覺仲喺怪怪咁, 都喺擺番佢一兩個鐘先再試.
兩個鐘後, 啲香味減退不少, 只餘淡淡的紹興酒香. 一入口, 酸度減低些但仍然很高, 不過奇怪得很, 依家就飲到紹興酒味, 終於香氣同味道統一了. 而且 after taste 有幾多果味, 如果佢酸度低一啲, 可能仲好. 第一次試老酒的感覺幾得意, 支酒似老非老又幾有活力, 飲落又幾舒服.
不過呢隻酒唔喺我杯茶, 未必會再試了. 留返一杯放佢一晚再睇吓佢會點.
the wine is very dead