都要安慰一下 "港大美女"

[mtr]

小弟多年來都有幫不同親建制候選人做助選義工，由派傳單到點票監察以至選舉投訴呈請都做過。今次完善區選體制後的首次區議會選舉也不例外。

這次並非幫 "港大美女" 所屬政黨的候選人拉票，但小弟理解，以佢地既資源，地方樁腳人脈，街坊動員力等不及當今第一、二大黨的一半。其他選區無深入了解，但過去一個月實地觀察兩個選區："灣仔" 及 "太北"，佢地不論掛 banner 之密度，每個街口長駐幾多義工派傳單喊咪，以至上樓掃街遂家遂戶催票的人力絕不輸蝕。以其黨徽街頭曝光度，義工勤力度，政商名人協助站台頻率計，比頭兩大政黨有過之而無不及。

上述兩區，"港大美女" 的政黨都有派人參與直選，但都以大比數落敗。"港大美女" 指其主要選民較多集中在晚飯後投票，可惜當時偏偏撞正電子選民登記系統 down 機，好唔忿氣。

不過睇番直選當選者名單，抽離點睇：

- 資深區議員基本上全數連任，就算所屬政黨動員和資源力弱，街坊們傾向選番熟人

- 政治素人，就算全港知名度有多高大多數落選，除非佢有第一大黨支持。以小弟多年幫不同候選人做既統計，第一大黨也有不少選民習慣在晚飯後才投票，"港大美女" 的政黨仝人看來要研究如何鼓勵其支持者在晚飯前投票

- 深藍網紅，全軍盡墨，深藍的基本盤無想像中大

- 如果 "港大美女" 真係要賴不如賴馬會。馬迷一般傾向賽事結束後食埋晚飯才投票，如果昨日馬會肯將那個重要盃賽改在周末或延期舉行，或馬會在賽事期間在馬場和各投注站提醒馬迷投票，相信可令不少馬迷在電子選民登記系統 down 機前投票

[mtr]

關於投票率：只能說穩陣鐵票就係得 1.1M 咁多，如果選民登記系統無 hang 機，保守估計可以多十萬票。

香港人口的 demographic profile 出現結構性轉變，新香港人將陸續取代土生港人成為人口骨幹，各政黨一定要把握機會開拓這新選源，穩陣鐵票數目才能有機會增加。

又，以尖沙咀南的選舉結果計，各大政黨也不能忽視吸納少數族裔做地區樁腳。少數族裔選民的投票熱誠度並非佢地估計咁差，只係佢地既商會，宗教同族群組織協調未臻完善，要做開多年選舉工程的各大政黨幫幫手，協調一下。

https://lihkg.com/thread/3574884/page/1

2019年建制派得票

1,206,645

2023年區議會投票總數
1,193,193

過左4年，選民人數多左20萬
但得票仲少過2019年

[mtr]

有時間再睇番自己最熟的幾個選區非連任的當選者，得出一個結論：欲服務某選區人士，一定要至少在該選區跟該區資深議員或地區樁腳真人曝光超過一年，與該區街坊混熟才有機會當選，否則知名度，背後政黨拉票動員力有多高都無用。

[joe]