我哋睇返下面張圖（中美關稅爭端時間線）計一計：
.
侵侵開波個價： 記得侵侵一開始舞「對等關稅戰」嗰陣，想扑中國幾多稅率？係 34% 。如果再夾硬砌多個所謂「芬太尼懲罰關稅」20%落去，咁就係 54%。呢個先係侵侵條「底線」，或者叫「開波價」。
.
依家中國實際「硬食」幾多： 呢輪「日內瓦談判」傾完一輪，表面上中國商品關稅由最高峰嘅145%（4月11日），降到依家協議嘅 30% 。但咪漏咗計嗰20%嘅「芬太尼附加費」呀！所以，30% + 20% = 50%！
.
結論一： 由侵侵最初想起釘嘅54%，到依家實質嘅50%，中國商品實際關稅只係象徵式咁減咗 4個百分點！少咗嗰雞碎咁多，你話邊個贏？
.
美國貨去中國又點呢： 以前中國對美國貨徵15%關稅 。雖然貿易戰期間一度加到癲（最高125%），但依家傾完，中國對美國貨嘅關稅減到 10% 。美國貨嘅關稅足足減咗 5個百分點 （由15%減到10%）。
.
結論二： 美國佬徵中國貨50%稅，中國徵美國貨10%稅。你話，邊個企喺度，邊個跪喺度呀？條數小學生都識計。
