港股有個唔多人提及既風險：被踢出港股通

發表人 **mtr** 發表於 2025-09-08, 16:37

今日跌幅榜這三隻股，因業務主要為智能駕駛、創新醫療技術和 AI，屬當下最熱門題材，一向多散戶抽、問、討論、炒，因此中伏的唔少，更以擁有港股戶口的同胞居多。

三隻股有個共通點：上市無耐就炒上，升幅由上市第一個收市價比較以倍計。通常上市後第 19 或 26 周見頂，之後散晒，有一半以上機會跌穿上市第一個月的最低價，從此股價一路陰跌至被踢出港股通再來一記大跌，但之後唔一定代表可以撈底摶反彈。

如果識得一種叫 "一目均衡表" 的技術分析方法，19 同 26 兩個數字是有意義的。唔知咩黎，內地有成吋厚既 textbook 唔識教到你識，網上有雞精班 video 及要課金的教材但不及書本的有系統詳細。

必須注意：見頂時間可以早於其 IPO 上市前主要大股東/基石投資者禁售期 > 半年！因此，唔好老奉以為一隻半新股於禁售期完結前，一定是隻穩陣可摶股，尤其是一上市就炒上的。

炒高估計就係為左入港股通，而通常入港股通之前，會被宣佈入恆指一系列指數中中較少人留意的指數。

以前無正規的 "北水" 出入港股渠道，無 "港股通"，恆指季檢的資訊自問不重要。

然而有左港股通後，恆指每個指數，每季會加入/踢走邊間公司就變得極度重要，因為好多股票，尤其是近六年上市的，唔少實質過半股價靠 "港股通" 的北水撐住，被踢出恆生任何指數都會影響其能否繼續保留港股通資格，儘管有些情況，例如其流通市值一路高於某個水平，或日均成交高於某個金額，被踢出恆指其中一個指數未必等同一定會被踢出港股通。

以下三張都是周線圖。

發表人 **mtr** 發表於 2025-09-08, 16:43

每次見到新聞稿標題

"恒生指數有限公司宣佈指數檢討結果"

務必細看，睇睇自己有無持有將被踢出當中某個指數的股票。新聞稿宣佈你持有某隻股票被踢出某個指數，其股價近排若已有個顯著調整，未必即刻大插，甚至可能微升，如果公司就快出業續，而行業/板塊又當炒既話，可以等埋業續公佈後市場點反應先，但都係新聞稿公佈的生效日期前閃一閃先。

2025-9-8 就是以上三隻股票被恆指有限公司宣佈給踢出某個指數的生效日期。

https://www.hsi.com.hk/chi/media-room

發表人 **mtr** 發表於 2025-09-08, 17:03

其實唔需要學，有時間學下/找 AI 寫個程式搵下邊隻股忽然出現成交異動或有類似上年向上突破 30 周 / 150 日 SMA 勢頭 (如下面幾張圖粉紅圈的位置) 好過，不過呢套方法相對少人用，因此無咁易被大戶操控而已。

PDD 應該 60 蚊人仔就買到，包郵。

https://book.douban.com/subject/35417361/