2025-9-17 東張
苦主個份叫 " xx尊尚360醫療保 "
https://www.facebook.com/IFC89/posts/pf ... 6PKH3D4xJl
1.今次個case都幾痴線。事主佢早年買咗份高端醫療保險，然後不幸患癌。佢揀咗去養和，因為份保險寫明年度保額為3,000萬元。
2.然後，事主最近續保時，保險公司加保費都算，竟然監生將所謂「指定醫療服務提供者」賠償打8折，即係有兩成突然要自付，完全係扮都唔扮，呢個真係未見過。
3.點解保險公司要做呢個動作？首先醫療保險係pool rating，唔會單獨去加一個人嘅保費，係就成個pool一齊加，令受保人安心啲。
4.另外，份高端醫療保險寫到明保證續保，就算受保人不斷claim養和醫院最靚（但亦有醫療需要嘅服務），保險公司喺條款限制下，唔可以下一年就斷佢單。
5.然後，保險公司權宜之計竟然係夾硬要個患者為「指定醫療服務提供者」co-pay 20%——唔知包幾多間醫院，但都好明確叫你唔好再幫襯養和。
6.見到保聯代表話：「指定醫療機構加自付費，係保險機構通常做法之一，亦唔係香港獨有，醫療費用比正常高就charge自付額。」
7.我覺得保聯呢個答法太general，要畀多啲資料——例如「通常做法」係有幾通常？外國有咩案例？有冇爭議？因為我都第一次聽。
8.而其實保險公司自己brand個醫療保險產品做高端，人哋benchmark返咪去最高端嘅養和醫院，正常不過。如果賠得幾百萬已經頂唔順，點解你要寫年度保額上限3,000萬先？
9.保聯仲有話保險公司要控制成本所以先突然加自付費……喂，你保險業咁多客底，做乜唔用行業力量去杯葛養和，或者其他charge得貴嘅醫院，間醫院即刻縮啦，但就轉去罰個保單持有人嘅？
10.我覺得保監局真係要嚴正去處理啲所謂高端醫療保險充大頭鬼嘅問題，為咗market產品而畀咗錯誤訊息消費者，事實上真係賠到嘅話，一年500萬已經好夠用。
11.同埋，要去控制保費升幅，醫衛局真係要考慮下為自願醫保設立「升級版」，亦即係一個為保費升幅設限嘅醫療保險，喺限制保費每年升幅前提下，再reverse engineer去定條款及理賠準則，畀市民多一個選擇。
12.最後，大台百密一疏，有個畫面hide漏咗保險公司個名：「有關已更新的XX香港……」定係特登？
