[長知識] Amazon Go，一家無收銀員嘅超市

[mtr]

再想了解詳細 d

http://36kr.com/p/5115188.html

https://m.facebook.com/landmarkreporter ... 3402874115

... Amazon Go 一如之前所講，係一家無收銀員嘅超市。不過入閘機嗰度多咗個裝置，要顧客用 Amazon 嘅 app check-in 。入場之後並無手推車或者購物籃 (Amazon without a shopping basket...?) 顧客要自備購物袋，上倉就可能要自己帶部車嚟。

但你咪理，過咗關就係神仙，成間超市嘅貨品任你攞，拍拍籮樓出閘就得，唔使畀錢。

梗係啦， Amazon 自動喺你戶口度扣數。至於佢哋點樣知你買咗啲乜？官方冇講，只係話有物先娘齡 (machine learning) 同 computer vision 。哦，電腦視野。乜嘢嘢？記者話超市內滿佈「天眼」閉路電視喎。

全自動化之餘，都總有啲員工喺熟食檔口同酒精類貨架一帶工作。前者固然係煮嘢食，後者就係馬會職員──小姐麻煩你出示身份證，未夠秤唔准買酒飲。

倉務同上架嘅流程據報都自動化埋。即係係，你平時見到喺貨架旁邊嘟 barcode 、打價錢牌嘅員工將會做第二啲嘢。唔係失業， Amazon 話員工將被分派其他有助客戶體驗嘅職責。

冇人知道 Amazon Go 將會發大嚟搞定係純粹 showcase Amazon 嘅科技，等其他連鎖超市考慮引入。但可以肯定嘅係，第時要兼職做收銀員或倉務員將會越嚟越難，呢類型勞工密集但低技術嘅工種，喺科技發展嘅狂潮之下將無容身之所。社會第時點樣安置呢啲勞動力，需要莫大嘅智慧。

[peterso]

大6大把