https://m.facebook.com/RoadResearch/pho ... 70/?type=3
最近,有位議員話北區塞車嘅主因係因爲多車。唔少人直指此說法太廢,眞係「鬼唔知阿媽係女人」。雖然多車的確係原因,但係講唔出重點。
造成北區經常大塞車原因,係道路設計問題。粉嶺公路兩個迴旋處無法消化過多嘅車流量,導致車流倒灌返入公路;形成連貫塞車。其中雞嶺迴旋處、掃管埔路、新運路、百和路嘅道路設計亦係造成塞車嘅元兇。
迴旋處係唔少新新市鎭嘅早期產物,四處都可以見到。迴旋處嘅好處係比較慳位、造價亦比大型交匯處平。但係呢類迴旋處祇能處理中小量交通流量,一旦發生意外,亦會造成大塞車;因爲連接太多支路,無法卽時疏導。然而港府發展北區時亦低估新市鎭人口增長,電氣化火車逼爗經已係例子。所以明顯睇得出,北區兩個迴旋處嘅設計亦低估車流量。失敗例子仲有元朗博愛交匯處。
如果要長遠解決塞車問題,就必須先要向迴旋處落手。可以將雞嶺迴旋處改成 Diverging Diamond Interchange 或 Single Point Urban Interchange。