Hot Toys 造勢大會

[mtr]

https://hk.finance.appledaily.com/finan ... 1/58429194

... 每年暑假舉辦的動漫節，Hottoys都會推出幾款限定版，好似今年就是夜光版鐵甲奇俠、黑衣人美國隊長，少年黑武士 Anakin 和黑豹老豆 T'Chaka，預期跟過往一樣，受歡迎的角色如鐵甲奇俠和美國隊長會炒貴一、兩千蚊，黑豹老豆都有幾百啩，若然在有價有市時成功出售「四寶」，大概賺到兩至三千蚊吧！


不想買貴嘢，唔該排隊喇，如果你是會員還好一點，公開預訂前會有三日給你優先預訂（訂完要限時限刻去動漫節現場再排隊取貨），我星期日去信和諗住訂番套，見條隊有幾十人，即刻放棄。之後一日輪到非會員，開門前一晚人龍由信和沿住彌敦道排到去銀行中心，長達2.5公里，有咩驅使佢哋大熱天時夜半夜三更排隊呢？係愛呀？定係責任呀？


玩家當然在討論區鬼煞咁嘈，話出現大量排隊黨，又打尖，要出動警察在場維持秩序，其實跟買黃子華飛情況差不多，不過 Hottoys 老闆冇行出來申訴炒家賺得多過佢。最後矛頭直指 Hottoys 此賣法有幫自己造勢之嫌，旺角排一次，會展排一次，搞到兩個場都好擠湧玩具好搶手的氛圍，被指利用忠粉的熱情。


其實早兩、三年 Hottoys 都聽到他們的憤怒聲音，嘗試變一變，希望做到公平公正公開，學發展商玩抽簽，想買就網上實名加身份證填 Form，抽到你會收到 email 通知去現場買貨，夠公平喇啩？吓，你怎估到又收到大量投訴，話炒家們狂搵人頭入飛抽簽，減少真正玩家的中簽率，總之買唔到就唔公平啦！ Hottoys 衡量過之後，今年又轉番排隊，反正點都俾人鬧，造吓勢都好。做生意除了產品質量好，還要兼顧客戶的需求，難度相當高。其實如果大量生產，想買幾多有幾多，到時又有人怨唔值錢嘅啫！

郭釗

[大家樂王子]