https://www.facebook.com/osreadhistory/ ... 9848837874話說今日睇到一篇報導,指大陸成功創造經過基因修改既嬰兒
修改既基因係CCR5,愛滋病毒就係靠佢感染人體既
首先啦,呢個實驗假既成數極高
其次啦,咁可能有人問,如果實驗成功,以後愛滋病咪可以絕跡囉?
世上邊有咁好既事呀^^
成個故事其實應該由1995年開始講既,而且同香港都有關
話說當年有個史稱「柏林病人」既美國人,佢被確診感染愛滋病,好好彩係第二年香港人何大一發明雞尾酒療法,成功有效抑制愛滋病病毒,於是乎呢條友又成功多活十年
不過呢,世上奇難雜症都好似好鍾意佢咁,佢居然確診患上血癌,只要透過骨髓移植先可以有命,但呢項手術成功率非常低,死唔死其實係賭大細
咁焗住都要做既
於是乎奇跡發生啦,手術成功左,而且愛滋病都好埋
咦?!點解醫血癌會醫好埋愛滋病既?
於是乎就發現,原來捐贈者係帶有CCR5變異既北歐人,呢種變異係北歐只有極少數人帶有,有呢種變異既人呢,基本上對愛滋病可以免疫
於是乎佢就成為人類至今目前唯一一個能完全治愈愛滋病既人,因為佢係2007年於柏林接受手術,所以又叫柏林病人
咁大概2014年左右,新既基因療法就出左黎,透過修改病人自己既免疫細胞,已經可以令病人擺脫雞尾酒療法,但缺點係貴同無辦法作用於骨髓,等人體自產既免疫細胞都帶有變異
當然,如果換骨髓既話,首先係地球擁有變異既人口稀少,無乜可能配對成功,而且死亡率太高,根本無搏既必要,除非病人本身有血癌
所以今次大陸既做法意義係邊呢?
基因療法本來就已經醫緊人,透過修改病人既基因就可以令病人唔需要終身服藥
而何需係小朋友出生之前就修改基因呢?
而且要思考一個問題,
一種變異只有某區域極少數人口擁有,其實就證明呢種變異唔會係好既變異,因為其他地方有同一變異既人可能早就死鬼晒咁CCR5有咩缺陷呢?
原來擁有CCR5變異既人,係會有更大機會感染到西尼羅河病毒,西尼羅河病毒係黃熱病既一種,會透過蚊傳播
咁大概就明白點解只有北歐少數人口有呢種變異
因為其他地方有呢種變異既人俾蚊針完都病鬼死晒嘛!
易中一種黃熱病,可能都會易中其他架喎,可能只係未發現個關聯,唔代表只得一個危機喎
所以件事黎到呢度就非常有趣啦
愛滋病呢,只要上床時有戴套,基本上就可以免疫架啦
當然,如果隻蚊針你個陣隻蚊有戴套,話唔定都可以防止到黃熱病既
咁你認為幫你既性伴或自己戴套容易d呀,定幫隻蚊戴套容易d啦
所以對於未感染愛滋病既人黎講,無擁有CCR5變異明顯比較安全,畢竟中黃熱病既機率遠高愛滋病,而且更難防範
到真係不幸感染愛滋病,都仲有雞尾酒療法同基因療法
所以假若大陸呢條茂利真係做左呢種喪盡天良既事
咁就只能睇下兩位小朋友幾時死於西尼羅河病毒既感染啦
就好似點解華南地區既人有地中海貧血既機率高於北方人
因為地中海貧血基因有助於防止瘧疾定唔知邊種好致命既熱帶病
基本上唔醫既話,係古時華南地區死於熱帶病既機率係遠高於重型地中海貧血症既
所以呢個基因係對抗熱帶病係好基因,但係今日醫學發達既時代,熱帶病好多都唔再係不治之症,咁呢個基因就變成壞基因
所以基因無話全部好全部壞,好多時真係觀點與角度既問題
所以點解歐美等國要禁止基因嬰兒
因為以目前知識黎講,我地無人知道修改基因係創造定規避緊風險