https://lihkg.com/thread/1302705/page/1
值得讚賞。
只是想同呢位女拔同學講聲,如果妳將來有幸獲邀去 AO 面試,先問問妳做緊常秘或更高位的師姐,面試時於一班資深政務官面前如果一味只識照打呢類公關門面官腔能否增加獲政府錄取的機會,抑或只會弄巧反拙。
十年前,政府揀政務官並非選拔談吐最似打官腔既同學,而係要有點像葉劉或譚惠珠,立場鮮明,詞鋒銳利,用辭唔會和稀泥,模稜兩可,嘗試討好各方,論點講到就算事後 fact check 發覺係另一回事,但面試官聽個陣會覺得有根有據,有層次,有邏輯,仍有 fresh grad 應有的稜角而非圓滑世故公關人才 feel 既 candidate。至於如何及幾時應該打官腔,佢地入職後自然有大量課堂,mentoring 及實戰訓練,班 AO 入職後,對稜角幾時應露出幾時應收埋好快會練到收放自如。不過而家政府如何選拔 AO 就唔知啦。