關於外遊發生意外要醫療包機運返香港

[mtr]

好多大大會去外國跑馬拉松，雖然唔算極限運動，但也請看清楚若出意外，旅遊保險能否 cover。

https://www.facebook.com/IFC89/posts/pf ... ekwBwUHNPl

1. 好多人send呢單case畀我，關於一單跑友參加法國UTMB Chamonix發生意外而陷入昏迷，目前情況危殆，眾籌要求緊急運送，希望我可以幫到手。

2. 未有跟事主親友接觸，都係從公開資料去了解案情。如果事主家人係claim旅遊保，而意外係喺UTMB途中發生或比賽前訓練當中，好大機會中咗不保事項；因為UTMB本身涉及極限運動，保險公司界定係高風險活動；或者事主本身已經進行緊geared up嘅training，都幾肯定拒保。 [事主在比賽前被撞左落山，就呢點其實可以同保險公司爭取]

3. 假如保險公司真係肯賠，或者家屬願意去承擔個開支，其實件事handling都唔容易。我覺得「緊急運送」呢個item名係有少少misleading，因為件事係緊急，但唔代表會快速進行，因為程序多到嚇死人。

4. 情況就係法國嗰邊嘅醫生要同意個傷者可以飛（但本身個醫生似乎已經唔肯做手術），保險公司醫療團隊要同意當地醫生嘅判斷，中間可以好多discussion；緊急醫療運送公司都要measure情況，唔可以因為賺錢而夾硬飛，香港醫院要做好涵接。中間嘅語言障礙、時差、溝通、文件往來、陸路logistics、機場logisitics，係好複雜嘅事情。

5. 以前曾經收過好多關於「緊急運送」嘅投訴case，家屬同當地醫生及保險公司溝通好多阻滯，當時take away係唔好當旅遊保係聖物，serve唔到緊急幫助嘅purpose，事後肯賠償已經好好。

6. 所以如果出外旅遊涉及高風險行程，例如參加極限運動，或同年紀大嘅老人家去外地旅行，我覺得本身家屬真係要預備定足夠現金，唔好沽注一擲保險，否則就係自己承受風險。

7. 不過今次事主好好彩，好多人即時幫忙，相信籌到唔少錢；但我亦傾向同意家人一定有充足資金去pay呢個緊急運送，只係未必即時周轉到，或好多地域上阻滯。好多人開始問善款點用，相信待事件解決後，家屬會同大家有個交代。

[joe]