https://www.facebook.com/11mister/posts ... MH11CPuBSl
... 講到北部都會區，官方口徑係為咗香港長遠發展、增加土地供應。Come on，呢啲口號你信？Citi份報告講得好白，今次嘅所謂「優化」措施，包括容許發展商用將被收回嘅土地去抵銷補地價金額 、用「實報實銷」方式計地價 ，全部都係為持有大量新界農地嘅發展商度身訂造。
你睇吓個名單：恒地(HLD)坐擁4200萬呎土地，新地(SHKP)有3000萬呎，新世界(NWD)都有1580萬呎 。呢啲地，佢哋囤咗幾十年，今日終於等到政府開綠燈，幫佢哋將呢啲「爛地」變成黃金，係一場籌備咗幾十年嘅財富解鎖（value-unlocking）行動。
但呢啲利好係長遠，短線有咩利好？提高非本地大學生限額到50% ，再鼓勵將商業大廈改建成學生宿舍 。表面睇，係解決學位同住宿問題。但實際上，一箭雙鵰。
第一，香港寫字樓市場，尤其係乙級、丙級嘅，已經死咗一半，呢招係俾呢班業主一條生路，將死資產盤活 。Citi份報告計過條數，全港學生宿舍床位短缺近24萬個 ，呢個係一個幾乎冇風險、需求保證嘅租賃市場。
第二，更重要嘅係，呢個係一個人口換血嘅長遠佈局。引入大量非本地生（你知我知係邊度嚟），佢哋畢業後好多會透過IANG留港，成為新嘅中產階層。呢班人冇歷史包袱，對香港嘅歸屬感同舊香港人完全唔同。用十年、二十年時間，慢慢改變香港嘅人口結構同思想光譜，呢個先係真正嘅深層次佈局。
