北海道D天氣真係玩死, 琴日就大霧 寒冷+落雨 今日又藍天白雲+勁好陽光 係便利店食D簡單早餐就出發
今日第一個目的地, 嚟到北見梗係去子狐牧場睇狐狸啦 明明跟住GPS話已經到咗目的地 但個牧場釘晒板 ......................原來已經結業
又應咗我個名P晒K 唯有揸車去下一個目的地 - 層雲峽啦 點知向前揸左唔夠一分鐘, 係路邊發現左D嘢 駛埋去睇吓先 .......................原來係
原來有位老伯係牧場結業之後, 係傍邊開咗一間士多賣吓D雜貨同紀念品打發時間, 有部份狐狸已經放返入森林, 但有D可能養得太耐, 伯伯驚佢哋適應唔到重返野外生活,
所以留佢哋係身邊繼續照顧
伯伯仲俾咗D乾糧教我哋點樣餵佢哋
佢哋真係唔驚人咔