話說小弟一路以黎都用開 Onkyo 989 Ver.2 都非常之滿意佢嘅表現 ,後來又添置一部係人睇過都中毒 嘅 D-VHS 錄影機(Victor DHX-1),如果想聽 D-VHS 錄影機嘅 AAC(暫時係日本仔專用) 5.1 音較,就只有用內置AAC解碼的 AV AMP 或外置AAC解碼器(好似只有水貨的 YAMAHA AD-100),但無耐地...內置AAC解碼的行貨 AV AMP,就只得 Pioneer AX10、AX10i、AX10Ai 有 。
但後來收到風 ,話 ONKYO NR-1000 都有AAC解碼 !
大家睇完以上我個人嘅講解之後,應該又諗到我又想身痕定尼 (自我發夢中 ,實際無錢 呢 ) !
講到呢度,開始入正題喇 !
今次大會選用了 JMlab 一系列的喇叭:
前置係 Electra 927 Be 25th Anniversary Signature
中置係 Center Utopia Be Signature
後置係 SR 900
後中置係 SR 800 S
超低音係 Sub Utopia Be Subwoofer Signature
DVD 機係 Onkyo最新 1000,今次無用上 CANARE L-5CFB 色差接駁上 SHARP Z12000,而用上一條幾米長的 HDMI → DVI線,再用 DVD 1000 的 720P 增線功能,上到 Z12000 配合其 1280 x 720 的真正解像度,發揮其點對點的功能 !
大會一開始播放嘅DVD,係我地機皇 C.C 曾經推介嘅韓國戲 亞羅漢,而播放嘅一段,係男主角同一位高手係屋內嘅對壘,正當男主角發功時,全屋地上嘅石屎,紛紛浮上半空,啲低頻還可以,但我覺得用了 JMlab Utopia 頂級 Subwoofer 應該不至於此 ,應可再強一點呢 !
再跟住播放智能叛變,在眾多機械人之中捉一個機械人的那段,在亂槍掃射機械人時,我座在第一排,竟然聽不到後置或後中置的環繞聲 ,一播完呢段片之後,我馬上問問在左右兩旁的朋友,是否我耳朶有問題,好彩他們的答案同我一樣,我才鬆了一口氣呢 !
大會暫停了一會,介紹今日播放 DVD 的器材係 Onkyo DV-SP1000,而 AV AMP 就當然係今日嘅主角 Onkyo NR-1000,講解了一會他們的特點後,大會又詢問在場人仕,聽了剛才兩段,有甚麼感想呢?
大家可能估不能嘅係,有位女觀眾擧手 發言 ,佢雖然聲稱乜都唔識(佢男友真幸福呢 ),但她說的低音太勁,可否較細一點,我心諗唔好再細喇 !
因為我地前排只感受得到丁點兒的低頻,好彩 JMlab 方面解釋,低頻係需要某距離才可潛得低一點,那女觀眾好可能在後排的關係,所以比我們前排感受得很勁呢!
到第三集碟,係天地英雄
中一段見到山賊的,萬馬奔騰的氣勢......出不了來 ,但零碎的沙石聲,則可聽得出來,分柝力唔錯 !
如是這又到了第四隻碟史力加2,講一隻大麵粉巨人(我諗係咁叫卦 )闖入城那段,城裡的人用火球攻擊麵粉巨人,但那些火球,就好似紙扎一樣 ;麵粉巨人步行時,也毫無用力似的,毫無 一點兒的迫力 .........心情已經凉了一半了 !
突然,有畫無聲 !?
我眼見部 1000 熄了匙,唔通佢開得快得制 ,差人查牌 !?
哦!原來部 1000 跳了 FUSE ,然後見到幾個大耐高手,幾個側手番,加兩週半落地 去到部 1000 PAT PAT後面 ,其中一個大耐高手講,由於啲喇叭線 SHORT 埋一齊,所以 1000 機急智生,啟動了自動毀滅裝置,Sorry ,係啟動了自動保濩裝置至啱 !
終於等到今日最後一隻 DVD 喇!
就係法版 少林足球 喇 !有睇過 PAL 版經驗的網友都知道,大部份 PAL 版嘅畫質係靚過 N版,但正所為....有得必有失 ,佢亦都只有DD,播放了達哥校工發現了周星星同學較早前踢走了的一個可口可樂,凹到了一幅牆中間,而達哥就用力一抆,我祈待的時候終於來臨了,整幅牆就除即倒下,明明好勁的一幕,但我聽到的只是一幅紙皮牆似的 !
唉 !
最後,Onkyo 方面用誰人發問問題的,可得到 Onkyo 的 THX 碟一隻,以慰我等 Onkyo Fans 呢 !
曾有出席的觀眾問到它的 HDMI 可否存輸音頻訊號,ONKYO方面話暫時未能夠,將來可能有得升級,我個人諗 ,香港 ONKYO 係呢一方面,一灌都跟住得唔錯 !
用料好足的呢 !
另一方面 NR-1000給引人的地方,是它有二入一出的 HDMI 端子,有觀眾易有問它有否升頻的功能,ONKYO方面回應,它只是一個 SELETOR ,直入直出的!
市場上又多了一部新款旗艦級的 AV AMP 給大家選擇 了 !
如有錯灟 ,請 各位網兄,代為指正 !