- a.jpg (154.05 KiB) 被瀏覽 5862 次
呢套包乞食CG電影故事既時間表好似大約設定係隻game 第二集之後，但你當單完睇我覺得都無問題，因為故事都係講洩漏病毒，跟住有人變喪C周圍襲擊人，之後就有d生還者被人營救，最後梗係主角無事出翻黎兼穩到內幕搞鬼既人啦！
如果你打過呢隻game應該都認識Leo同Claire，故事係講Claire o係機場見翻d舊朋友，而參議員咁岩又係呢個機場出現，呢個參議員係支持一間藥廠叫WilPharma o係當地做研究，咁當地既人就梗係反對啦！有人o係機場散佈 T 病毒，喪C就係機場擴散，加上有一架飛機亦都比人散病毒，咁岩又o係機場墜機，令到機場鬼死咁亂，故事就咁開始。Leon 收到上頭order 到機場參與調查，帶住霹靂小組隊長 Angela 同Greg入機場救人，跟住好快趣就穩到Claire 同參議員佢地，之後除了 Greg 呢個黑仔王死之外，其他都安然無恙咁出翻黎，不過梗係無咁快完啦！其實藥廠既負責人至係奸既，製造病毒同解藥既都係佢，最後比Leo同Claire識穿佢既陰謀，原來佢預算將d病毒賣比恐怖份子賺取暴利！
其實套戲都有小小異形2既影子，Claire 又係要保護個細路逃走，而另外個女主角Angela被隻G病毒爭d拖左落去果幕都好似，CG係就係幾靚，但表情我覺得有D生硬，尤其是D女角，好似公仔咁樣，而Leo個樣同隻game都有小小唔同。
總結：不過不失啦！估計包乞食fans應該都會鐘意，起馬同正章故事係有關連 (Umberlla倒閉到到藥廠WilPharma出現 ，之後就到Tricell公司 )，唔似得電影版第三集咁有點兒偏離啊！
)