SF4 全人物入手方法

[Martin LO]

其實我都幾肯定大家都知道每個人入手o既方法, 我只係想o係度講一次我自己o既做法, 亦係我覺得最快o既方法.

1) 玩arcade mode, 設定係easiest, 1 round, 30 秒, REQ off. 將一開始就可以用o個16 個人每人爆一次機. 正常用哩個setting o既話, 兩個鐘鬆少少就可以攪掂. 小弟自問都唔係高手, 爆一個人都唔駛10 分鐘. 如果真係唔多掂o既, 就用你最熟o個個人, 打到最後boss 度再特登打輸, continue, 換人, 總之用齊16 個人打贏過最後boss 就ok.

2) 打晒o個16 個人之後你會多o左另外6 個角色, 用同一個setting 將哩6 個人都爆埋機. 應該唔駛一個鐘就打完. 條件仍然只係只要用哩6 個角色打贏最後boss 就ok, 中途用邊個打並唔重要.

3) 用你最熟o個個角色再打一次, 仍然係同一個setting, 但係要一round 都唔輸, 即係唔可以continue, 而且perefect 一次以上. 正常打頭o個3 個人都好易perfect, 一直打到爆機之後, "豪鬼" 就會亂入, 打贏埋豪鬼之後就可以用豪鬼.

4) 用豪鬼打acrade mode, setting 改做2 round, 99 秒, 其他不變. 要求係打到爆機, 1 round 都唔輸, 中途要用最少兩次 Ultra combo, 三次Super combo, 同埋3 round perfect. 我o既做法係o係頭個3 o個人就盡量只用波動拳, 應該可以輕易拎到3 個以上o既perfect, 而且每次o既第二round 都可以用到super combo finish.

如果頭3 個人o既第一round 唔小心俾佢打中o既話, 就改做打到佢臨死o個時任佢打, 一有Ultra 就即用Ultra combo finish, 好彩o既話o係未打到第4 個人o個時就己經用o左兩次Ultra combo. 如果未o既, 就o係第4 同第5 個人度出兩次Ultra combo.

之後就只係剩返一round唔輸打到爆機, 我唔肯定如果臨輸之前2p 加入o黎keep 住自己"清白", 到最後"剛拳" 仲會唔會亂入, 不過我解"Save Your Quarters"成就o個時就係唔夠打即用2p 手制噤start, 結果係解得到個成就o既, 所以可能解角色都可以噤做, 不過我未試過. 因為小弟o係高手Magicman Z o既幫助之下, 成功打到爆機都無輸過, 直到打贏最後boss 之後, "剛拳"就會亂入, 打贏埋佢就可以用佢.

5) 將setting 轉返做1 round, 30 秒, 用剛拳爆一次機就可以用seth, 中途無任何條件.

成個過程可以o係4 個鐘之內完成, 祝各位早日完成. 另外就係特別鳴謝高手Magicman Z o既出手相助, 佢自己都未解全人物就幫我打o左先, 佢一邊打我仲一邊o係隔離俾壓力佢, 真係諗返都有o的唔好意思. Thank you Magicman Z !!!

[cckeric]

[我叫咩名好]

我差最後三個, 用呢個方法應該今晚可以拎哂所有人, 唔該哂~

另外我想問total可以拎到幾多隻色? 我而家有color1,2,3,4咋

[.sc.]

[sos82597]

[nomed]

[我叫咩名好]

多謝哂, 你個方法好正!! 全人物入手了

[Martin LO]

多謝哂, 你個方法好正!! 全人物入手了

唔駛客氣, 最緊要大家玩得開心

[NikkorIVAN]

我剛剛才完全入手

thank you

[我叫咩名好]

好似有第10個隱藏人, 不過要俾錢買, 唔知真定假

[cckeric]

好似有第10個隱藏人, 不過要俾錢買, 唔知真定假

who?

[NikkorIVAN]

好似有第10個隱藏人, 不過要俾錢買, 唔知真定假

who?

可能係殺意龍

[kimura]

好似有第10個隱藏人, 不過要俾錢買, 唔知真定假

who?

可能係殺意龍

俾錢買...不如GT又學下佢啦...車又要錢買...track又要錢買...整好一架賣一架...整好一條賣一條...唔駛等到2046都出唔到...

[Martin LO]

我o岩o岩發現原來用任何一個人都可以打到"剛拳"出o黎o既, 而且唔駛打2 round 噤多, 照打返1 round easiest 都得, 時間改做99秒(如果唔係可能唔夠時間用ultra combo finish), 只要打到爆機前有2 次perfect, 同埋4 次ultra combo finish 就一定得(我o係easiest mode 同hardest mode 都試過, 真係一定得!)

[.sc.]