降魔的

發表人 **mtr** 發表於 2019-07-31, 18:34

https://www.facebook.com/hongkongvoice/ ... 239615503/

今日有個識左過10年嘅中立朋友同我講，佢老公尋晚撘的士時，的士司機同佢老公講早兩日係西環上左3個客，一睇就知搞完事的。兩個男坐後面，一個女坐前面。佢地去嘅目的地好古怪，一時話去呢度，就到就轉地方，當中有兜左好幾個地方後卒之係去到粉嶺嘅一個屋苑。

到屋苑停車場時因為司機八達通係負數，所以就用左後面其中一個男客的八達通入停車場。入去屋苑停車場，司機聲稱係要兜幾個圈先入到去，而停車場附近好多黑衣帶口罩人監視住架的士。去到停車時，3個人就落車，行向一㗎貨車，繳交身上所有武器物品。然後借八達通比司機個男人就跟的士出返閘口，因為頭先用佢嗰張入。係嗰個時候，司機就忍唔住問: “先生，你個樣好細，你幾大？” ，個男人答”今年中二”，司機非常愕然，傾左兩句，知道原來佢地有$500同一餐飯，司機仲講笑話好過返工，然後再問:”你唔驚俾警察拉咩?!” 佢話唔驚，因為老師帶去的。原來先前坐前面個女人就係老師，帶中二小朋友上前線。

我朋友個老公都係中立，佢問師機佢係聽返嚟定係親身經歷。司機斬釘截鐵話係自己剛剛的親身經歷。