不過國泰員工黑面指數絕不低於公立醫護 ... 國泰好多時有嘅係hostility,並唔係hospitality
https://www.facebook.com/drsotszhim/pos ... 3545792071<國泰空姐點樣加入醫療界?>
尋日我預先post會講呢一個題目,結果引起不少人留言,實在出乎意料之外。身邊也有不少醫生朋友近呢兩日閒談間提出一些帶有無窮遐想的諗法。但係今日我講呢篇真係講正經嘢,而且係可以實行。
今朝早睇到報導 仁安醫院 將會預留100個免費名額, 給國泰被炒空姐 ,培訓他們成為仁安醫院的病人服務助理。 我今日提出啲建議和仁安醫院相似,不過並唔係同一樣嘢。
醫療界其中一樣缺乏的東西是hospitality ( 當然hospital都缺)。
以往病人去到醫院或者診所,都會覺得整個經歷不太開心 ,一來裝修唔係好,而來整個地方人很多,感覺很不舒服。 而且負責reception 又或者是其他工作人員等等,個個都黑口黑面。整個體驗是令人害怕而厭惡的。公立醫院的情況更為嚴重, 很多時都會發生病人和職員鬧交嘅情況。
近呢十年不少時間診所和私家醫院的環境大大改善。 而且私家醫療已經進入了另外一個境界,除咗要有好的醫療質素之外,仲要畀病人或陪診的人感覺到整個體驗都是愉快 。 即所謂customer experience。 加上現在病人對於私家醫療的要求越嚟越高, 而且私營醫療競爭越來越激烈, 相信越來越多私家診所和醫院會著重病人體驗, 而且這一方便並唔係一般護士所能夠兼顧。 需要有一些有前線serve人經驗的人來做。 有這樣的服務對醫生和病人都有好處。
空姐能夠在機艙 逼夾的環境工作, 而且一定曾經見過唔同種類 的客人, 由少少麻煩到超麻煩,都一定有所接觸和識得應對。 所以在私家醫院或者私營診所做customer service 應該沒有難度。
另一方面其實很多醫生都需要一些助理。 呢一種助理和仁安醫院的那些病人助理唔同。 有一點點類似外國的physician assistant, 但外國的physician assistant 係需要修讀兩年制碩士學位 是一種醫學專業。 需要幫手問病歷做檢查或作一些簡單藥物處方 。我提倡的醫生助理有所不同, 主要係幫助醫生加強和病人溝通和處理各種醫療安排等等。 以腫瘤科為例, 因為很多時病情複雜, 而且藥物副作用亦都多,病人一時間很難接收所有資訊。 再加上病人通常返到屋企後有不少問題又或者是擔憂, 想馬上找人解答。 很多時醫生都沒有時間去整理或處理這些要求。
呢個時候 就需要一些醫生助理,可以處理解答一些簡單的問題, 又或者可以作出一些簡單的安排, 例如是什麼時候需要照素描, 再重新解釋吃藥了有什麼副作用和expectation. 亦都可以作出一些生活上的提示意見, 應該去邊度買一些病人產品, 例如營養奶粉, 補充品, 健康食物等等。 這些東西對病人都非常重要, 但醫生的時間有限不能一一解答。
醫生助理亦可以把病人的疑問有所整理 歸納, 然後再把問題交給醫生解答。 這樣可以慳回醫生不少時間。 而且病人有了一個point of contact, 心會安定很多, 精神狀態更健康。 做這份工要去有很強的溝通技巧, 所以我認為很適合空姐轉行。
但係做醫療行業和做空姐很不同, 其中一個最大的唔同就係醫療行業是非常“困身”的工作, 而且工作時間較長, 可能唔係個個都可以適應得到。 另外在轉行之前當然也要進修一點的醫療知識, 不過相信可以on job training. 在短期的將來醫療需求只會與日俱增 能夠帶動這一個新的行業。
此文只是拋磚引玉, 比有意轉行的人士參考。