https://www.facebook.com/alexmokinvest/ ... fLwz6W3WZl
今日，講少少比較長遠嘅牛市尾段期權部署。
1) 越到牛市尾段，我會連股票都唔揸。
2) 然後淨係做有限風險嘅期權策略。
3) 原因好簡單，你用兩成資金做有限風險嘅期權策略，咁你最多就只會輸兩成。
4) 但買股票，股災會輸幾多？
5) 最穩陣嘅股票，都有機會跌6成。
6) 平時波動性較大嘅股票，可以跌9成。
7) 有人話期權好危險，都係買正股穩陣。
講得出呢句說話嘅人，得罪講句，肯定係對期權一知半解。
9) 基本上，只要有個人講呢句說話，我已經知道佢之後講嘅嘢，已經唔值得浪費時間去聽。
10) 咩為之股災？
11) 就係你揸住正股都會輸死。
12) 點先唔會輸死？
13) 8成倉揸cash，2成倉做有限風險嘅策略，咁先可以確保唔會輸死。
14) 當我見到越接近牛市尾嘅最瘋狂階段，我嘅倉位就會趨近呢個持倉狀態。
15) 咁呢一刻，美股個市到咗呢個位未？
16) 用兩隻科技大股Microsoft (MSFT)、Alphabet (GOOG)做例子。
17) 兩隻股票嘅估值，都已經係近10年最貴。
18) 但又未到計唔到數嘅水平。
19) 睇估值，我會跟返世界上頂尖企業家嘅一套，睇市現率 (Price to Free Cash Flow Ratio)。
20) 分析員多數睇市盈率。
21) 企業家通常都會知道，現金流遠比盈利重要。
22) 所以睇市現率會更好。
23) 以上兩隻股票，如果市現率能夠去返40倍以下，就唔單止唔貴，甚至仲係好好嘅長線買入機會。
24) MSFT 市現率為54.55倍。
25) GOOG 市現率為47.62倍。
26) 只要兩間公司嘅業務增長前景不變，而股價調整兩三成左右，我敢講，肯定會有大量承接。
27) 現水平，仲未有大型股災產生嘅條件。
28) 然而，如果市現率去到80倍，甚至100倍以上，去返40倍市現率，就要跌一半以上。
29) 殺傷力完全係兩個程度。
30) 再講部署。
31) 上星期減倉，係睇錯市㗎喇。
32) 就算大方向無錯，最低限度，timing都係做得唔靚。
33) 但後果唔嚴重，只不過係賺錢賺少咗。
34) 所以問題不大。
35) 之後點做？
36) 記多句口訣。
37) 「Long Call唔係睇升，係睇大升。」
38) 你做Long Call，股價升，但升得唔夠勁，你會輸。
39) 股價大升呢？
40) 你會大賺。
41) 整理一下以上資訊，下面就係action plan。
42) 兩隻股票，我唔怕做Short Put喺低位接貨。
43) 但現水平，我唔會直接買正股。
44) 不過，如果見到有上升動力，有機會大升，我會做Long Call。
45) Long Call嘅最大優勢係有限風險之餘，又有槓桿。
46) 輸最多輸100%，但贏可以贏十倍以上，理論上賺幾多倍都得。
47) 即係話，就算只係細細注，只要個市夠癲，贏嘅錢都可以好勁。
48) 一路升，我就一路減正股，轉做Long Call。
49) 長遠部署就係咁，就睇下個市嚟緊會點走。
