只能盡快向保險公司備案

[mtr]

不論交通意外是否嚴重，或無撞到任何人/車但警方聯絡你話你涉嫌違反交通條例，收到電話都同保險公司報備左先。

[mtr]

中國香港一日唔跟祖國直接由相關部門出牌比你架車，被人冒用車牌，你只能斬腳趾避沙蟲換過另一車牌。

[joe]

[mtr]

https://www.facebook.com/IFC89/posts/pf ... qYAMjGraPl

1. 大台東張上個禮拜播咗好多專業汽車碰瓷黨事件，有啲case甚至冇碰撞、只係cut線，但就報咗畀警方，亦告到不小心駕駛，再要求巨額賠償，包括醫療費用、收入損失、Pain, Suffering and Loss of Amenities（PLSA）等，加加埋埋幾十萬。

2. 如果架車撞咗，當然即刻要報保險公司；但如果冇撞，根本連保險公司都報唔到，係咪要自己食晒幾十萬？

3. 首先睇一睇保單條款，「一旦發生任何可引致索償的事故，受保人須立即將全部詳情通知保險公司」，但問題係如果你都唔知嗰個係「事故」，例如冇dramatic 嘅事情發生過，係冇可能知道對方後來會「頸痛」的。

4. 我問過一間大型產險公司負責人，佢都confirm咗呢個說法。佢話，正常而言一發生要引致索償嘅案件，第一時間要通知保險公司，否則太遲就係late report，保險公司有權可以拒絕受保。

5. 不過， 如果司機根本就唔知道自己有個意外，第三者亦冇話畀佢聽要告佢索償損失，保險公司唔會當佢late report，因為根本無knowledge。

6. 但有件事一定要做的，就係喺沒有碰撞嘅個案，大部份係「報案人」自行向警方投訴，然後警方會聯絡受保人，安排到警署落口供——呢個位！佢就應該要第一時間通知保險公司，最好係24小時內。


7. 但大部份個案司機落完口供認咗不小心駕駛，亦冇通知保險公司。直至收到第三者嘅索償文件先搵保險公司，就係屬於late report，大部分保險公司會根據保單條款拒絕賠償，咁就出事了。

8. 有幾個位我想楂車嘅大家注意。如果出現撞車，記得報警開file！可以私下解決到嘅，就簽返份和解協議書，列明個consideration，同埋要discharge所有法律責任及不再追究賠償。

9. 如果對方要告你作為司機嘅責任，無論係即時告、幾年後告，有撞、冇撞，只要你收到有關嘅訊息，無論來自警方、法庭，你一定、一定、一定唔好承認責任，即時通知保險公司拎instruction，有咩事唔識就問，同埋要遵從佢嘅指引，以及唔好過任何deadline，否則就係自己上身。

10. 事實上，呢類呃保險嘅case，保險公司絕對有足夠知識同資源去同嗰班專業碰瓷黨砌，例如搵第三方醫生及律師專業鬥專業，但重點係你一定、一定get保險公司involved，否則你就單打獨鬥了。

[mtr]

留言：

Q - 如果俾警方告不小心駕駛，跟住就去報保險公司，其實最後係冇第三方嚟索償，但係保險公司係咪會下年就扣你NCB？

A - 呢個我答你都得, 係, 會hold ncb, 直至你同保險公司講close case 就會放番ncb, 但如果你close case 後先黎索償, 咁就要食自己了. 所以安全計至少hold 一年, 或者根本不能成case (即不小心/cut 死線等等), 等多排先好close case, 咁好大機會都會蝕一年ncb.

幾時close case 係由車主決定.

香港民事索償期限根據案件類型而定，一般合約或財物損毀索償為6年，人身傷害索償（如工傷、交通意外、醫療疏忽）通常是3年（自傷害發生或知悉之日算起，取較晚者為準）。

[mtr]

留言：

雙方和解最好只限對方車輛只有司機一個，萬一有乘客，你真係估唔到個「乘客」會有咩行動

[joe]

[mtr]

https://www.hk01.com/%E7%AA%81%E7%99%BC ... 0%E8%90%AC

如果收到警方告票或者報案通知，或有第三者索償，必須立刻通知保險公司備案，交由有經驗的專人跟進，切勿因擔心失去「無索償獎勵（NCB）」或被加保費，因小失大。 如最後發現個案沒有人命傷亡等，可再申請取回NCB。

[joe]

[mtr]

https://www.facebook.com/IFC89/posts/pf ... X3QnqGkMpl

除非控告人嗰個人踢爆啦，否則你好難告得入。好多時候呢D律師樓既師爺會「暗示」你應該做呢樣嗰樣踩界，例如暗示「如果我係你，我就會去睇邊個醫生，大致有什麼痛」，但你好難搜證。

普通冇碰撞TA 點會開到幾十萬，輕微碰撞都未必開到啦。
鬼唔知如果對口位係保險公司最後唔會賠到呢個數咩…你擺明搏人地冇報保險上民事然係庭外和解收大D舊錢。

又係個套喂我冇做宣傳架，有人買就有人賣囉。根本就係佢地自己衰，關我咩事啫關我咩事啫 既說法。

拖一年半載先出律師信，
就係令你/保險查唔到 X 醫生紙
寫嘅狀況(病/disabled)
人哋利用左個漏洞點查
CCTV 都冇曬 + 跟蹤都冇用(話好番)
應該堵塞d法律gap ?

[joe]

[mtr]

https://www.facebook.com/businessfocus. ... 8kvHGWiAbl

1. 絕不私了，即時報案備案

無論意外多麼輕微，甚至你認為根本沒有碰撞，只要對方有報警跡象或表現異常，必須立刻通知自己的保險公司備案。劉佩玲強調：「唔好因小失大！」許多司機擔心失去無索償獎勵（NCB）而選擇隱瞞，這反而給了騙徒可乘之機，讓你失去保險公司的法律支援。

2. 切勿隨意承認責任

在現場或隨後的溝通中，除非得到保險公司指示，否則不要承認任何責任。所有的民事索償文件、警方告票，應第一時間轉交保險公司的專業團隊跟進。保險公司具備強大的調查資源，能針對可疑的醫療報告與律師行進行抗辯。

3. 證據保留是保命符

「車 Cam」片段是反擊「影子意外」最強有力的證據。建議車主使用具備雲端備份功能的車 Cam，或定期存檔。即便警方已處理完畢，相關片段也應保留至少兩年，以防對方在法律追訴期內突然反撲。

[joe]

[mtr]

真實個案分享：

https://www.facebook.com/hkschools.slav ... B6b1dJmhsl

[joe]