小弟的香港朋友都係響內地買部車 instead of 申請港車北上，但只限響內地有/租左個連車位物業的朋友。無響內地租屋或置業者，租車為主。
有港車北上或之前已有中港牌的親友亦不會在長假駕車北上，北上除吃喝玩樂 dup 骨睇病外，主要為入相對平既油，以及服務態度及收費相對合理的維修保養與 upgrade。
https://www.facebook.com/groups/5642551 ... ently_seen
呢排同幾個香港朋友食飯傾開「港車北上」，發現大家個感覺幾一致，都係 —— 方便係真，但有時都幾攰。
有個朋友講得幾好笑，佢話其實最驚唔係揸車，係未出發已經開始計時間。尤其長假期，一諗起排關，成個人會突然冇晒mood。佢試過塞到過咗關已經攰過返工，仲未開始玩。
另外都有朋友話，其實部港車一年真係唔算用得多，大多數都係長假先北上幾次。但平時又要記住保險、續期、文件嗰啲，有時都會覺得幾麻煩。
反而我近排長時間喺深圳，見到另一種做法。有啲香港朋友索性喺大陸買車，平時就放喺深圳，有需要先上嚟用。佢哋話成件事輕鬆咗，尤其唔使成日計住過關時間，行程反而自由咗。
覺得幾有趣，感覺香港人北上用車，好似慢慢開始分成幾種唔同玩法。
