呢排夜晚無乜電視劇追，可以每晚睇一套戲至訓，今日我就揀左touch黎睇勒。
安達充既什麼h2、美雪美雪，甚至乎呢套既touch，i am sorry, i am really really so sorry，我一本都未睇過 (大佬，唔使講英文呀嘛，英文戲名都唔使西人西語姐
)，唔睇既原因係覺得佢d公仔又唔靚又唔真實，只係聽講故事幾吸引，所以套戲一上時都有dd性趣睇 (起馬係真實嘛 )，所以就入左黎睇勒！
套戲我諗睇過漫畫既人都熟到識背，就算未睇過漫畫既我都唔知邊度會收到風竟然大約都知個故事係講乜，神奇呢！
故事我唔多講勒，講講d角色，和也達也 (頂~~一講呢兩個名就諗起同一屋簷下套劇，小雪呀
) 呢對孖仔做呢啤角色都無野講勒~~稱職，而阿南你話佢唔靚咩，又唔係，但靚女我又講唔出口，cute cute地咁啦！個故仔有d位都拖拖地o下，例如掉個波掉成3,4分鐘，同足球小將射龍門有得揮，愛情線又幾含蓄o下，可能就翻套漫畫掛！你地聽我咁講梗係以為我對齣戲好不滿勒，又唔係播，我有dd位睇到幾熱血o下架，尤其是車震阿新田出局(sorry~~3震至岩 
)，幾正呀！唯一有d位可以煽情d佢做唔到，就係和也個老母認完和也條屍之後行出黎，我d馬尿岩岩開始醞釀緊想流，點知一個鏡頭就轉左去個女主角同達也身上，頂~~d馬尿當堂o益stop，想感動o下都唔得添！所以演技都係老一輩既正d 
畫質唔算好，同埋個畫面我覺得比較偏黃。音效有日乳dd5.1同dts，加多條dd2.0粵乳，無野做又鐘意套野聽聽粵乳比較o下都得。而特別收錄竟然有成4-5段touch既預告片，唔使咁多呀嘛！
總結：諗住想流馬尿喊餐包，呢套戲我諗幫你唔到。鐘意玩puppy love既你，可能會鐘意套戲。睇開原著既你，可能好多投訴點解咁多野無交代。而我本人就好滿意呢套戲，收貨有餘！
PS：套戲裸面有隻狗唔知叫賓治定賓士，我老細話漫畫裡面好cute好肥個喎，但呢套戲裡面就成隻白熊咁樣，不過都尚算得意兼搶鏡既！
