用0左差不多一個星期,同大家分享少少心得:
外觀: 8/10,係Xbox 360色調,個人鐘意黑、鈦色,不過都算靚,好易襯到家居環境
功能:9/10,好好用,經過不斷試同設定後,而家控制器材真係方便好多,唯一要扣分就係兩點:1.個LED display細0左D。2.雖然有個叫做Glow開背燈掣,但係由於個Play / Pause / Next Track / Previous Track等掣放得此較高,亦唔似一D其他遙控咁做埋不同形狀,唔可以晌摸黑環境中好快速咁搵到呢類常用來控制DVD機播放0既掣。Volume +/-掣又係此較細。不過由於所有掣都可以跟據自己喜好設定,有D常用掣可以重新安排去一D就手位置。
最好一個功能,就係當想將某一個已執行緊的Activity power off(即將有關已開器材熄掉),可進一步設定唔熄邊部機同將唔熄果D機設定(舉個例,睇完投影機,將watch movie activity熄掉,但想保留部av amp開機,並將input set 為 tuner改聽收音機。
反應:好快,連Inter-key delay都可以set到0 ms-100,000ms(即係10秒)方便當做出一個Activity(即一連串開機動作),去因應唔同器材開機後進入可被遙控狀態下需要等待時間而作出配合。晌小弟家中器材,實試後發覺如果唔微調AE 900個上下左右掣的話,反應就會慢D。所以,一定要微調,最好所有常用功能都set成0 ms delay就最好!
易用度:設定唔難,但係如果想將個遙控功能發揮到盡,就最好多作微調,幸好經熟習後絕對唔難。
至於操作冷氣機,得就得,但係由於冷氣機遙控多數有個display話比你知幾多度、風速大定細、行緊乜mode等資料,所以就算set好入個遙控度,都唔知係咪百分百對應到(例如:將冷氣mode轉抽濕mode,又或將設定溫度由24C set到去22C)。
整體評分:8/10
建議:如果太家手上有Onkyo av amp跟機可學習遙控,請先用盡佢功能,唔夠先去買都未遲
如果係Yamaha怪雞av amp跟機遙控而府上器材好多,可以考慮買個玩玩。
多謝收睇!