分別係7210同8700,我帶左隻港版萍果核戰記去睇,7210的確係幾靚,黑位好實,暗位都睇到細緻,色彩唔差,但開頭播DTS試音碟killbill一段時,第一眼比我睇到d彩虹,之後一路留意咁睇,但係就再睇唔到彩虹,可能我眼花啦,整體表現算得上係一部好機,但成五雞野價錢就真係要諗過。至於部BENQ 8700表現都可以叫ok,黑位無咁實,略帶灰,可能由於較早前睇完7210關係,始終覺得黑位唔夠實,但都可以睇到細緻野,其中一幕個機械人在黑暗處一野桶瓜個人時,牆上好明顯可以睇到紅色的血,但回家睇返我部陳年Z91,只係可以見到黑色一撻野。唉,遲早又要出血了!
我同個朋友一齊去睇,佢正在想買投影機中,佢就話鐘意部7210部機夠細部,仲話返去同佢老細商量下喎,佢心目中有Hc2000,z12000,我就正在期待中,佢就正在頭痕中。